«Из тайпара къонахчал, майрал хинна къонгаш къаман наха цIаккха а бицлургбац! Цун вахар хадарах, доккха халахетар хилар вайна массанена, берригача мехка. Дала сатоха низ, сабар лулда цун гаргарча наха» , — язду ший телеграм-канале Паччахьалкхен Думан депутат волча БIарахой Бек-хана.

Москвера лакхера тIема юкъара командни училище яьккхаяр Боканаькъан Мустафас. Ший гIулакх дика довзаш, бехктокхаме шийна тIера декхараш дIахьош лаьттар из. Цунна тешал деш я, тийнна дукха тайп-тайпара майдилгаш, орденаш. «Сердало» газета болхлой, цун цIагIарча нахаца из йоккха сагато екъаш ба. Дала гешт долда цох, ялсмален хьаьша ваь тIаэцалва из ше Кхеллачо. Бисарашта АллахIа низ лулба сатоха.