Из хоам «Сердалога» бир МагӀалбика кхален администраце. Берашта шоай дин мишта довз хьожаш яхьаш яр оттаяьраш. Доккха баркал ала дезаш дар дакъа лоацарашта дала совгӀаташ Ӏалашдаьча единоросса Ӏаьленаькъан Дауда.

«Яхьашка котало яьккхар № 26 йолча ишкола 5-ча класса дешархо йолча Хоасботанаькъан Марема, шоллагӀа, кхоалагӀа моттигаш Цхьорой Мадинайна, Гатенаькъан Айшайна кхаьчар.

Иштта массанегара совгӀат делар кхетаче нашид ешаш, Аяталь-Курси дӀаоалаш хьайийллача эггара зӀамагӀа йолча доакъашхочун Цхьорой Рахьмата», - дийцар «Сердалога» цу моттигера.