ГӏалгӀайчен Росгварде ВАИ 29 шу даьлар
Тахан 29 шу доал ГӏалгӀай Республикан Росгварде тӏема автомобильни инспекце, цун керттера декхар да новкъа хулаш дола хатараш юхатохар, зуламаш кӀезигӀа хилийтар.
«Вай республике,тӏема автомобильни инспекце болх дӀабахьара бехктокхаме ва Котанаькъан Ислам. Паччахьалкхен лоархӀамеча даькъа тӀахьожам бе безаш я наькъа кхерамзлен Ӏалашо еча, доазон тӀарча эскара моттигашта. Росгварде ВАИ хьакхеллача хана денз, тӀема мугӀарера колоннаш, къаман гварде транспорта эскараш, кхерамзле лораеш лаьрххӀа йола техника цо дика накъайоах», - аьлар ГӏалгӀайчен Росгварде.
ГӏалгӀай Республике гӀолла йолча Росгварде сержанта Сампенаькъан Салимас яхачох, ВАИ болхлой лаьрххӀа йола тӀема операци дӀайолаелча денз, тӀема эскара тоабаш накъайоахаш, цахадаш болх дӀахьош хиннаб, лоалахарча республикан даькъ тӀа меттел, мехкал арахьа а, наькъа кхерамзлен Ӏалашо лоаттаеш.
