ГӀалгӀай къаман
юкъара газет

ГӀалгӀай мехкарча хьакимашта, баркал кхайкадир Матвиенко Валентинас

Юртарча къахьегамхой ерригача Россе кхетаче Москве дакъа лоацаш хиннача вай мехкахошта, баркал кхайкадир Федераце Совета хьалхалаттача Матвиенко Валентинас. Дика къахьийгарех ба, аьнна, белгалбир ГӀажарий-Юртарча администраце кулгалхо вола Чахкенаькъан Осман, ГӀажарий-Юртарча культуран цӀенна кулгалду Йовлой Ювсап.

«Ше «Юртара къахьегамхой» яхача ерригача Россе кхетаче къамаьл деш, Матвиенко Валентинас белгалдир, из гӀулакх тӀехьарча ворхӀ шера юртара вахара хьал тоаде гӀерташ хьабоагӀача къахьегамхошца дӀакхухьача кхетаченашца дувзаденна долга. Иштта дола вӀашагӀкхетараш лоархӀаме, боккха пайда беш долга дийцар цо.

Юрташкара хьал лорадераша теркалдаьраш хьаллаьца, вахаре цар йизза моттиг дӀалаьцай. Царех я «Юртара культуран болхло», «юртара ипотека» яха программаш», - дийцар «Сердалога» Йовлой Ювсапа.

Кхувш латтача тӀехьенна Даьхе езаялийтара оагӀонцара лакха кхетам луш, ГӀалгӀайчен культура, истори лорадеча наькъ тӀа къахьегарах, из белгалваьв тахан вай мехкахо, Федераце Совета кулгалхочун баркал кхайкадарца.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде