Магасера лоархӀаме никъ тоабе арабаьлар болхлой
Чахкенаькъан СаӀида цӀерах бола Магасера лоархӀаме урам тоабеш боахк болхлой. Из хоам «Сердало» газетага бир шахьара мэре болхлоша.
«2024-гӀа шу, наькъаш тоадеш, дӀадахьа лерхӀ республике. Магасера Чахкенаькъан цӀерах болча урама никъ тоабарал совгӀа, Базорканаькъан цӀи лелаю никъ ба кердабаккха безаш. 28 километр наькъаш да «Кхераме доаца дика наькъаш» яхача къаман беркатеча проектага гӀолла тоаде дезараш», - белгалдир вай Мехкадас, наькъашкарча хьалах дувцаш.
Чахкенаькъан цӀерах болча урамера никъ йиллача ханал хьалха йистебаргба, дикка къахьийгад цига боахкача болхлоша. Кастта Магасерча бахархой аьттув хургба, кердача наькъ тӀа гӀолла лела.
Теркалде деза, тӀехьарча шерашка шахьарашкара, юрташкара наькъаш тоадеш, вай мехка боккха болх дӀахьош латтилга. Цу гӀулакхо хьагойт, вай республикан вахара-экономически хьал дикка тоалуш латтилга.
