2024 шерара бӀаьсти йиза я чоалханеча хаоттамах
16.05.2024 16:11
Дагадоацаш, шийла бӀаьсти ера ГӀалгӀай мехка 2024 шера, дарз долаш, догӀаш делхаш, 20-25 метр секунда мух хьекхаш хаоттам хургхилар даим хьалха а доаккхаш, яхаш, дийцар «Сердало» газетага ГӀалгӀай Республике гӀолла йолча Россе МЧСо.
Цу тайпарча ханашка, Ӏаьржа хиш Ӏодоладалар кхерам болаш хул. ЛоархӀаме да, ишттача хана цӀи ца ювзар, хӀана аьлча, чӀоагӀа мух боале, йоккха моттиг дӀалоацаргья цӀеро», - аьлар халача хьалашца къовсам лоаттабеча болхлоша.
МЧС говзанчаша хьалхадоаккх, атта йоагаш йола хӀамаш йолча моттиге лела, латта йиш йоацилга. Водителаш, гӀашлой цу моча хаоттамах лоралуш хила беза. Лоацца аьлча, шоаш а гонахьара нах а лорабе беза.
