Физически кийчонах болча оагӀон инстурктор вар из. 2024-ча шера ший лоӀамагӀа юха дӀакхийтар из тӀемхой тоабах. Хьалхарча дийнахьа денз, лакха майрал, денал гойташ хьавенав вай мехкахо. Хьалхарча мугӀаре латтарашта юкъе волаш, тешаме доттагӀа, ший декхараш дизза кхоачашдеш вола бӀухо хинна лаьттав Ӏумар.

«Даьхе лораераш» яхача ганза вайцигарча филиала кулгалхочо белгалдечох, Ӏумара вахара никъ дуккханеша масал эца йиш йолаш, сийдолча гӀулакхех бизза хиннаб. Спортацара цун бувзам бовзача ганза доакъашхоша Ӏадсаькх деттарах йолча яхьашка дакъа лаца вийхар из. Цу хана денз, из гӀулакх дезаденна хьавоагӀа из, хӀаьта 2023-ча шера ший тоабанца 3-гӀа моттиг яьккхар цо.

Дукха ха йоацаш, ше сатийсар кхоачашде аьттув баьлар цун, Даьла къахетамца, Ӏадсаькх деттарах йола спортклуб хьайийллар цо. Селханара бӀухо тахан хьайийллача кердача моттига президент а тренер а ва