Илдарха-Гӏалий тӀа ваха СВО ветеран Темарханаькъан Амиран дарба деш ва
15.07.2025 11:00
ГӏалгӀайчен вахархо, ЛаьрххӀача тӀема операце ветеран Темарханаькъан Амиран дарба деш ва Илдарха-Гӏалан дарбанче, ший могашал тоаеш, яхаш, дийцар «Сердало» газетага «Даьхен лорбой» ганзо.
Сиха цига дарба де из Ӏовужавеш новкъостал дир ганза болхлоша. Шахьара керттерча лораца Моашхой Беллайца бувзаме баьнна, из дӀахьожавир дарба де.
Цхьа ха яьнначул тӀехьагӀа социальни координатор Темарханаькъан Ӏийса вахар цун могашал миштай хьажа.
Белгалду, Амиран чов хинначул тӀехьагӀа цӀавена хилар.
