Россе Кубке котало яьккхар вай мехкарча езача атлетика ветерана
Укх бетта 13-ча денгара 16-ча денга кхаччалца Орловски областерча Мценск яхача шахьаре дӏайихьар 29-гӏа, боккхагӏбарашта юкъера езача атлетиках йола Россе йийлла Кубок. Пхьилекъонгий ӏалихан дикка белгалваьлар цига 80, 63 кг дозал дарашта юкъе.
Спортаца массахана бувзам лоаттабеш, дуккхачар тренер волаш, къахьегаш хьавоагӏача вай мехкахочо бӏаргагойтар ший дегӏаца низ, кадай хилар долга. ГУП «Динамо». Еза атлетика» яхача оагӏонцара тренер волаш къахьегаш ва Пхьилекъонгий ӏалихан.
Белгалде деза, из саг тхьовра денз тайп-тайпарча яхьашка котало йоаккхаш хьавоагӏаш волга. Ерригача Россе йоккхача яхьашкара толамаш кхихьад цо вай республиканна. Россерча, Белоруссерча 38 мехкашкара 140 штангист вар яхьашка шоай низ гойта гулвеннараш. Из спорт массайолча моттигашка хьаллоацаш, кагирхоша хоржаш йолга белгалдеш хилар яхь.
Мухьмада ӏалихан тахан цу толамца дег тӏара даькъалавувца лов! Хӏанз санна дегӏаца низ болаш, кадай волаш, спортацара бувзам иштта чӏоагӏа болаш вахалва из дуккхача шерашка. Кхувш латтача къонача тӏехьен дика масал гойташ саг ва из. Иразе, беркате, аьттув болаш хилба цун вахара никъ дӏахойодача хана а!
