МагӀалбикерча СВО ветерана коммунальни хьашташ кхоачашдир
11.09.2024 10:14
«Даьхен Лорбой» яхача ганза респбликерча филиала болхлоша боккха болх дӀакхухь, тӀема операцен доакъашхошта, цар гаргарча наха могаш дола новкъостал лоаттадеш. МагӀалбике вахача тӀема операцен доакъашхочун Арслананаькъан Батыра цӀагӀара ток Ӏохоадайир, дукха декхар тӀалаттарах, бакъда оарцагӀвахача ганза вахара дешашка хьожаш волча Коазой Хьамида сиха тоадир из гӀулакх.
«ТӀема доакъашхочун цӀен-нана кхайкар тхога, гӀо дехаш. Йоккха юкъ ялалехь, ший цӀагӀа ток хьаелча, доккха баркал аьлар цо филиала болхлошта», - дийцар «Сердалога» Коазой Хьамида.
