Дегӏа могашал меттаоттае гӏо деш ба, Наьсарерча СВО ветерана Чопанаькъан Мухьмада
15.12.2025 10:34
«Даьхен лорабой» яхача ганза болхлоша дегӏа могашал меттаоттае гӏо ду, СВО ветеран волча Чопанаькъан Мухьмада. Из хоам «Сердалога» цу моттигера бир.
«Ийккхача мино лозаваь ва Чопанаькъан Мухьмад кхо шу хьалха. Аьтта кулг тахан дикка болх беш дац цун. Дарба деш дикка ха яьккха, тахан санаторе дӏахо дегӏа могашал меттаоттае езаш ва из. Ганза болхлочо, Беканаькъан Мадинас цу гӏулакха эшаш дола каьхаташ гулдеш новкъостал дир ветерана», - йоах тхога бенача хоамо.
Белгалде деза, ветерана нана Чахкенаькъан Райшат Илдарха-Гӏалий тӏарча дарбанче ӏоюжаеш а, ганза болхлоша къахьийгалга.
