Наьсарерча дешархошца кхетаче дӀайихьар тӀема операцен доакъашхоша
25.12.2024 09:58
Наьсарерча № 1 йолча ишкола-интерната дешархошца къамаьл деш хилар тӀема опрацен ветеранаш, «Даьхен гӀулакха латт со» яха болам хьаллоацаш. Из хоам «Сердалога» бир «Даьхен лорбой» яхача филиала болхлоша.
«ЛоархӀаме хьаьший болаш, ишколе кхаьчар Тиймарзанаькъан Бахьаудин, Сакхаланаькъан Муса. Шоай вахаре нийсденнача хӀамаех дийцар бӀухоша берашта. Кхувш латтарашта цар хьалхадаьккхар; денал долаш, яхь лораеш, ший мохк безаш, лоархӀаш вахар хӀаране вахаре лоархӀаме декхар долга. Дешархой дукха хаттараш хилар царга дала», - дийцар тха газетага.
Кхетаче йистеяьлча бӀухошта доккха баркал аьлар дешархоша; Даьхе лораеш, цун оагӀув хьаллаьца латтарах.
