СВО ветеранаш дакъа лоацаш хургба «Фермерий ишкола» яхача проекте
ЛаьрххӀача тӀема операце ветеранаш, цар гаргара нах дакъа лоацаш хургба «Фермерий ишкола» яхача Ерригроссийски Россельхозбанка проекте, - из дӀайолалургья карарча шера бекарга бетта, яхаш, дийцар «Сердало» газетага «Даьхен лорбой» ганза филиале.
«Наьсаре дӀайихьача семинаре тӀехьара тӀа Россельхозбанка офиса кулгалхочо Курскенаькъан Рустама, банка хьалхале лелаеча говзанчас Ноакастхой Лейлас бовзийтар дешара керттера никъ. Видео-презентацега гӀолла бӀухошта, цар дезалашта хьалхадаьккхад из балха дакъа мишта леладе деза», - аьлар хоамо.
«Цу юкъе дакъа лоацаш хилар - из лаьрххӀача операце бӀухой а цар дезал а Ӏомабалара керттера оагӀув дӀалоацаш да, шоай доалахьара боахам дегӀабоалабара, бизнес лелаяра. Из хилар бахьан долаш цар таро хургья агрозоотехне даькъ тӀа фу леладе деза ха, уж хургба пайдане гӀулакх леладеш, шоашта пайда бахьаш», - аьлар «Даьхен лорбой» ГӀалгӀайчен фонда филиала кулгалхочо Оздой Муслима.
