СВО доакъашхой хилар, денала урок дӀахьоча
ГӏалгӀайчен ЛаьрххӀача тӀема операце доакъашхой беза хьаьший хилар Илдарха-Гӏалий тӏа денала урок дӀахьоча, яхаш, дийцар «Сердало» газетага «Даьхен лорабой» ганза кулгалхочун гӀончас Джанхотанаькъан Мадинас.
Даьхенцара безам совбоаккхаш йола кхетаче дӀаяхьа лаьрхӀар Илдарха-Гӏалий тӀа, дешархошта бовзийтар таханарча заман бӀухой. Цу лоархӀамеча кхетачене дакъа лоацаш хилар лаьрххӀача операце доакъашхой Хазанаькъан Ювсап, Маматанаькъан Ӏийса, Темарханаькъан Амир, Илдарха-Гӏалан кхела кулгалхочун гӀонча Амаканаькъан Хьусен, хьалхале лелаю шахьара администраце говзанча Евкуранаькъан Микаил.
Хьалхарча аргӀагӏа, кхетачен доакъашхоша йист ца хулаш йола минот яьккхар, тӀем тӀара цӏацабаьхкарий сийна. Цу кхетаче дийцар денал долча вай бӏухоех.
Украине дӀахьош болча тӀема бӀухоша берашта дийцар даим майрал, денал гойташ, вошал леладеш долча тӀема даькъ тӀарча хьалах.
