СВО доакъашхоша къамаьл дир Наьсарен №15 йолча юкъерча ишкола дешархошца
ЛаьрххIа йолча тIема операце ветераний къамаьл хилар Наьсарен №5 йолча юкъерча ишкола дешархошца, «ГIулакх ду Даьхенна» яхача денала урока чудоагIаш, яхаш, дийцар «Сердало» газетага «Даьхен лорбой» ганза филиале.
«Хаьшашта йоагIаш йола еза моттигаш дIалаьцар Iаьленаькъан Азамата, Мухьмада. Цар дийцар, шоаш лаьрххIача операце доакъашхой хиларах тарра, тIема халонех а иштта шоашта уллуврча новкъосташта карагIдаьннарех а. Цар иштта белгалдир, тIема мугIарашка эггара чIоагIагIа доаккхал деш дар а лоархIаш дар а тIема вошал хилар», - аьлар тхоца къамаьл даьчо.
Дешархой хаттарашта жоп делар, уж дувзаденна дар ЛаьрххIа йолча тIема операцеца. Иштта царна хоадам боллаш бIаргадайра, боккъонца бола турпалхой шоашта уллув болга, из деррига а Даьхе бахьан деш долга.
