Наьсарерча ишколе-интернате кхетаче дӏайихьар СВО ветеранаша
Наьсарерча № 1 йолча ишколе-интернате дешархошца кхетаче дӏаяхьа вӏашагӏкхийтар СВО ветеранаш, «Даьхен лорбой» яхача ганза болхлой. «Сердалога» из хоам бир цу моттигера.
«Тиймарзанаькъан Хьусена, Пхьугӏой Бахьаудина ювцача тӏема моттигашка ладувгӏаш даьгӏар бераш, юкъ-юкъе хаттараш телаш. Тахан тӏема аренашка Даьхен моттиг лораеш латтарех дийцар къонача тӏехьенга, иштта байнача, деналца духьаллаьттача бӏухоех дийцар.
Тӏема аренашка хьалхашка латта декхараш кхоачашдеш; нийсдала, духьалдала йиш яраш дайзар берашта. Тайп-тайпара дукха хаттараш дар цар ветеранашка», - дийцар хоамо.
Къаьстта йоккха терко тӏайохийташ дийцар берашта, бӏухой тӏема моттигашка шоайла оагӏув хьаллоацаш, вӏаший тӏаотташ хиларах. Баркал оалаш, каьхаташ делар бераша ветеранашта, царца ӏадика ювцаш.
