Шоай балха говзала тешал деш хилар вай мехкара хьайбай лораш
Шоай болх боаггӀача боараме дӀабахьа ховлга гойташ хилар ГБУ «Республикера ветлабороторе» къахьегамхой. Из хоам «Сердалога» бир цу моттигера.
Шера цкъа, шозза дӀахьош ба из болх республикерча цу оагӀонцарча болхлошта юкъе, иштта лабораторе цхьацца хувцамаш юкъедоаладаь хилча а чакхбоаккх из болх.
Цул тӀехьагӀа хьайбай лораш дӀахо шоай болх дӀахьош хул, хӀаьта лабораторен тӀалатт паччахьалкхен тӀахьожама, юртбоахама моттигаша цар болх тешаме лоархӀаш хилар.
«Укх наькъа къаьстта йоккха терко тӀайохийташ чакхбаьккхар аккредитаце болх. Геттара чӀоагӀа теркалдир ГОСТа ӀOSO/ӀEC 17025-2019 дувзаденнараш, калибровка, цхьацца гӀирсий балхага хьажар, къахьегамхошта шоай гӀулакх малагӀча боараме довз, лабораторера болх боаггӀача боараме дӀахьош бий. Из деррига дика чакхдаьккхар лабораторе», - дийцар тхога цу моттигера.
