Республикан Денца ГӀалгӀайче даькъалайийцар Новак Александра
СКФО хӀама тоадалара бехктокхаме волча Россе Паччахьалкхен вице-премьера Новак Александра Республикан Денца ГӀалгӀайче даькъалайийцар. ГӀалгӀай республика хьаккхолларах йола бокъо къаман вахаре мел лоархӀаме хиннай белгалдир хьакима. Иштта цо теркалдир, республикера экономика, туризм, вахара оагӀонца дувзаденнараш хӀара денна тоалуш, меттадоагӀаш латтилга.
Мехкадас Келаматанаькъан Махьмуд-Ӏаьлас цунна жоп луш белгалдир, из деррига а федеральни оагӀоно гӀо деш, бахархоша дикка къахьегаш,вӀаший бувзам лоаттабеш хьахиннилга. «Баркал оал аз иштта хьинаре дӀахо а къахьегаш хила республика даькъалаювцача Александр Валентиновича. Цхьана болх дӀахьош; Россе, ГӀалгӀай республикан хӀама тоадеш дола гӀулакхаш кхоачашде вай аьттув хургхиларах дог тийша ва со!» - аьлар вай Мехкадас.
