Мурманскерча дукха бераш долча дезалца, кхетаче дӀайихьар мехкарча вице-премьера
Мурмански областе «Наьна сийле» яхача оагӀонца белгалъяьча, дукхача берий нана йолча Балкхой Л. А. кхетаче дӀайихьар мехкарча Паччахьалкхен кулгалхочун гӀонча йолча Саганаькъан Индирас. Боккхача, барттайнача дезале тахан кхувш латтараш ийс бер да. ДоккхагӀа дола ши бер юридически академе дешаш да, йиӀиг - унахцӀенон оагӀонцарча колледже, хӀаьта вожаш ишколе, берий бешамашка да.
«Даьй-ноаной сийле» яха орден луш йолча яхьашка дакъа лаца кийчо еш ба уж карарча хана. Аьттонца цу яхьашка чакхбала даькъалабийцар уж Саганаькъан Индирас», - дийцар «Сердалога» мехкарча Паччахьалкхене.
Шоай мохк чӀоагӀа дукха безаш да бераш. Лоаман моттигашка, гувнашка гӀолла гобаха, гӀалашка хьажа безам хул цар массахана. Шоай къаман овла, культура йовза гӀерт уж.
ХӀаравар цхьацца хӀама леладеш, Ӏомадеш ва царех - ушу, самбо, кикбоксинг, наьк дар. Шоай берий начӀал доаржадара тӀехьа, къахьег тахан дас, нанас. Дуккханешта масал да из беркате дезал.
