Наькъ тӀа хатар хиларах бехкевар Ӏаьдала болхлоша чувеллар
10.08.2025 18:20
Сага вахар хадаш хиннача хатара бехкевар, Наьсарерча МВД болхлоша ханна йолча набахта чувеллар.
«2025-ча шера маьцхали бетта 2-ча дийнахьа 15 минот яьлча ялх сахьат доалача хана, Магаса оагӀорахьарча Столични оалача урам тӀагӀолла «Хонда Элизион» яхача машинаца ӀовоагӀаш хиннача вахархочо Магасски гонна ӀотӀакхаьчача «ГАЗ-33021» машина никъ цабитарах, хатар хиннад. «ГАЗ-33021» машинаца хиннар, цу човнех хьа ца воалаш, кхелхав цу моттиге.
Корта бохабеш дола малар меннадий хьажа чакхвала ца тугаш Ӏийнача инормакаца хиннача вахархочунна духьала РФ КоАП 12.26 статьях административни протокол оттадаьд», - дийцар «Сердалога» республикерча МВД. Карарча хана бехкевар Ӏаьдала кара ва.
