Бокъо йоацача тайпара корта бохабу малар дохкаш хиннар, бехктокхаме озаргья
Бокъо йоацача тайпара корта бохабеш дола малар лоаттадеш хиннача яхархочун гӀулакх республикерча прокуратуран болхлоша суде Ӏочуденнад. Из хоам «Сердалога» бир Ӏаьдала болхлоша.
Тохкама болхлоша белгалдечох, бокъо йоацача тайпара хьачудена , 1,1 млн сомах корта бохабу малар дӀаоттадаь хиннад цу кхалсага. Илдарха-ГӀалий тӀарча ДжабагӀанаькъан цӀерах болча урамерча складе лоаттадаьд цо из деррига малар. ДӀадахача шера гуйран тӀехьарча бетта гучадаьннад из Ӏаьдала болхлошта.
«Деррига а дӀалаьрхача, 5, 1 млн сом мах бола корта бохабу малар да цо хьачудена цига лоаттадаьр», - йоах тхогарча хоамо.
Цул совгӀа, ше хьачудена малар бокъо йоацача тайпара арахийца долга ховш, йохкача хӀаман тӀаувттаю наьха белгалонаш царна тӀаоттаяь, цу наха 132 000 сом совгӀа зе а даьд харцача наькъаца яьча базарах йӀаьхий хила енначо. Илдарха –ГӀалий тӀарча кхален судага да цун гӀулакх.
