Кердача-Реданте, хьайбай маша арахецаш, завод хьаелла лерхӀ
ГӀалгӀайчен кулгалхой къахьегаш ба, МагӀалбика кхален Кердача Реданте хьайбай маша арахецаш йола завод хьаелла дагахьа, яхаш, дувц «Сердало» газетага ГӀалгӀай Республикан паччахьалкхен зарбан болх лелабераша.
«Республике хьалхара цу тайпара завод хьайийллар 2015-ча шера, из 2017-ча шера дӀакъайлар, чакхъяккха шура цатаар бахьан долаш.
Таханарча дийнахьа, эггара дикагӀа пайда эца йиш йолаш я агропромышленни гӀишло, цудухьа цу тайпара моттиг, болх ца беш, латтийта йиш яц мехка.
Завода лерхӀачох дукха кхача арахеца йиш я: йокъаяь шура, кӀедж йоаккхача дӀакхачийта шура, тӀоа, шин тайпара ета шура, кӀолд, ряженка, иштта кхыдола маша», - аьлар Келаматанаькъан Махьмуд-Ӏаьлас.
Цо белгалдир, из завод хьаелла эшар да, доахан леладу лаьтта, уж дукхагӀа хьаэца ахча.
Мехкадас белгалдир, йолаш йола таро лерттӀа лелаеш хилча, республикан дикагӀа йолча предприятеех хургья из.
Мехка кулгалхоша, паччахьалкхено новкъостал дергда, арахецаш дола хӀама маьхалдаккха таронаш лаха.
