Болх дика барах, журналисташта баркал аьлар мехкарча хьакимаша
05.07.2024 09:32
Парламентага ше даьча къамаьла юкъе, доккха баркал кхайкадир мехкадас Келаматанаькъан Махьмуд-Iаьлас, шоай декхараш лакхача боараме кхоачашдеш къахьегача журналисташта. Из хоам «Сердалога» бир Мехкадаь зарбан болх лелабераша.
«Моттигерча, федеральни оагIонцарча журналисташа, шоай болх дика дIабахьарах, республикерча хувцамех, кердадарех бакъдолча тайпара довз бахархошта. МоллагIа бола хоам бахархошка дIакхоачийташ, царца бувзам лоаттабайташ бола керттера никъ ба из», - белгалдир вай Мехкадас.
Республикерча хьакимаша дIахьош бола болх тохкаш, дIабовзийташ журналисташа бер боккха, лоархIаме болх ба. МоллагIча хIаман сурт ма дарра дIагойташ болча цар, хьакимашка шоай декхараш боаггIача боараме кхоачашдайт.
