ГӏалгӀайчен Ӏаьдал хьожаргда, бӀухочун-интернационалиста тӀема совгӀат хьадалийтарга
ГӏалгӀай Республикан кулгалхочо Келаматанаькъан Махьмуд-Ӏаьлас, мехкахошца гуччахьара къамаьл деш, аьлар 1979-1989 шерашка Афгански тӀом болаш веннача бӀухочун Паччахьалкхен совгӀат далара хаттар кхоачашдергда, из велар ший тIема декхар кхоачашдеш.
Из къамаьл дӀахьош НТРК «Магас» студе телефон техар Бӏухочун- интернационалиста Оздой Ӏумара гаргарча сага. Буро кӏалха вахача Чиймарзанаькъан Мухьмада белгалдир, массаболча ГӀаьбартой-Балкхарой, кхыча республикай цунца тӀем тӀа лаьттача бӀухошта таханарча денга кхаччалца уж мейдилгаш луш я.
Цу маӀача сага яхачох, Хаматхана Ӏумар ший са кӀалдита, човнаш хиннараш кӀалхарбоахаш вар, бакъда 1978 шера денз цхьа совгӀат деннадац цунна.
ШоллагӀа дола дехар дар венначун дагалоаттам бар. Цига белгалдир хӀанз хьалъеш латта Буро кӀалхара Физкультурно-унахцӀенон комплекс Оздой Ӏумара цӀерах хилийтарах дола дош.
Махьмуд-Ӏаьлас аьлар, из хаттар дӀадохьийтаргда РФ оборона Министерстве, нагахьа санна каьхаташ, из иштта долга дӀагойташ дале, венначун совгӀат лургда. Цо ше иштта кийча ва аьлар, юртахошта бакъахьа хетар хьаллаца.
