Илдарха-Гӏалан Ӏаьдало наха дика вахара хьалаш хьакхолл
Илдарха-Гӏалан Ӏаьдало моттигерча бахархошта дика вахара хьалаш хьакхолл. Къоаношца ший кхетаче йолаш, шахьара кулгалхочо Дидиганаькъан Ахьмада шийна карагӀдаьнначох дийцар, иштта дагаваьлар де лерхӀаш дола балхаш дувцаш Из хоам «Сердало» газетага бир цигарча зарбан болх лелабераша.
Из кхетаче дӀахьош, Илдарха-Гӏалан мэра белгалдир, цхьан бетта ДжабагӀанаькъан урам тӀара хин турбаш хийца яргья, аьнна, цар йӀоахал я 2,4 км. Цул совгӀа, бекарга бетта дӀадоладе дезаш да наькъаш цӀенхаштта тоадар, Комарова урамгара Промыслови урамга кхаччалца.
Дидиганаькъан Ахьмада яхачох, турбаш хувцача юкъа, бахархошта кӀеззига халонаш нийслургья. Нах хий доацаш бутаргбац, администраце царна хий лоаттадергда.
Белгалду, ДжабагӀанаькъан урамах каст-каста хин турбаш лелхаш яр, цо асфальт а толхабора. Нахаца къамаьл деш, шахьара кулгалхочо белгалдир; из проект кхоачашъеш я мехка Кулгалхочо хьаллоацаш,аьнна.
