Салоӏа денош дӏадаьнна, шоай хьинаре болх дӏахохьош ба Илдарха-Гӏалий тӏара хьакимаш
12.01.2026 16:52
Салоӏа денош тӏехьашка диса, дӏахо кхоачашде дезараш белгалдеш ба шахьарера хьакимаш. Эггара хьалхарча оагӏонца де дезарех дувцаш, кхетаче дӏайихьар мэре. «Сердалога» из хоам бир администраце зарбан болх лелабеча Кхорахой Мурада.
«Шахьара кулгал деча Дидиганаькъан Ахьмада белгалдир, шахьарера моттигаш тоаеш, вӏаштӏарадаьча цӏеношта лерттӏа доал, терко еш, наькъаш тоадеш, шахьаре лостам беш, йоалаца дувзаденнараш меттадоаладеш къахьега дезилга», - йоах тхогарча хоамо.
Къаьстта йоккха терко еш, дийцар хин ӏалашо яра дӏахьош болча балхах. Таханарча дийнахьа из болх дӏахьош ба 17 урам тӏа. Бахархошта дезар да, хин турбаш тоаеш дохадаь наькъаш йиллача хана, боаггӏача боараме тоадаь хилар. Из гӏулакх, лакха терко еш, меттадоаладе деза.
