«Хьалхарчар болам» яхача оагӀонца бувзам лоаттабеш ба МагӀалбикера хьакимаш
«Хьалхарчар болам» яхача берий, кагирхой ерригача Россе юкъарлон оагӀонца лоаттабеча бувзамах дувцаш кхетаче дӀайихьар МагӀалбикерча администраце. Кхетачен кулгал деш хилар шахьара да вола Галай Муса. ВӀашагӀкхетаре дийцар «Хьалхарчар болам» яхача оагӀони администраценеи юкъе хила безача бувзамах.
«МагӀалбикерча «Хьалхарчар болам» яхача оагӀон кулгалхо яр кхетаче дакъа лоацаш. ДӀабахача бархӀ бетта баьча балхах, дӀахойодача хана де лерхӀарех дийцар цига. Иштта соцам бир, администрацеца бувзам болаш; шахьаре мел хургйолча кхетаченашка, проекташка дакъа лоацаш; цхьана болх дӀабахьа», - дийцар «Сердало» газетага шахьара администраце.
Кастлуш МагӀалбике дӀаяхьа лерхӀача кхетаченех, цхьана вӀашагӀйохка лерхӀача проектех дийцар цига. «Хьалхарчар болам» яхача оагӀон проекташ йоаржаеча, гӀо де кийча я администраци.
