МагӀалбика Ӏаьдало, урамашка хьежа, кхоачамбоацараш гучадаьхар
06.03.2025 15:38
МагӀалбика шахьара кулгалхочо Галай Мусас ший гӀончашца цхьана; Гардананаькъан, Партизански, Гогола урамий хьал тохкаш; болх дӀабихьар.
Цу даькъ тӀа цар дукха кхоачамбоацараш гучадаьхар, шоай доалара хӀама хьадеча, нах бахача моттиге, машинаш лелача, гӀашлошта лаьрхӀача наькъаш тӀа, яхаш, дийцар «Сердало» газетага шахьара администраце.
«Галай Мусас иштта белгалдир вӀаштӀара даьча цӀеношка бахача наьха вахара хьисап миштад, кхаьч-кхаьчача нувхаш Ӏокхувсаш хилара даькъе. Цо иштта аьлар, шахьар цӀена лоаттаяр духхьала куц хилийтара эшаш дац, из бахархой вахара хьалаш тоадара а эш», - йоах хоамо.
Из болх чакхбоалаш, бехктокхаме болча болхлошта тӀадиллар уж моттигаш цӀенъяра, тоаяра дича бакъахьа хургдар.
