Наьсарен кхален Ӏаьдал хьежар, тӀий тиллара болх мишта дӀабода
17.01.2025 13:50

Наьсарен кхален Ӏаьдал хьежар, Эккажкъонгий-Юртара Кен оалача хи тӀа тӀий тиллара балхага, яхаш, дийцар «Сердало» газетага Наьсарен кхален кулгалхочо Исмейланаькъан Амирана.
«Цига баха хилар кхален Ӏаьдала викалаш, кхален Совета депутат Эккажанаькъан Идрис. Къаьнара тӀий вӀашагӀдаьккхад, керда тӀий хьалдара дола деррига аьшкабетона доакъош вӀашагӀдехкад. Цхьа метр шера бола гӀашлой никъ ба, асфальт а биллаб, гонахьа карт а яьй», - аьлар хоамо.