Эбарга-Юртарча хьакимашта 8 кхоачамбоацар гучадаьлар
15.04.2025 09:01
Юрта хьал лорадеш, тӀахьожам лоаттабу Эбарга-Юртарча хьакимаша. БархӀ кхоачамбоацар гучадаьлар царна укх наькъа дӀабихьача балхага гӀолла. Из хоам «Сердалога» бир цу моттигера.
«Юртарча моттигий куц толхадеш дола гӀулакхаш гучадоахаш болх дӀабахьа арабаьннараша зийра кхоачамбоацараш. Нувхаш, гӀишлон балхаш деча совъяьнна хӀамаш, машений чархаш – из деррига моттигий хозал йоаеш дар, иштта бокъо йоацача тайпара лаьттан доазув дӀалаьцалга зийра комиссе», - йоах тхога бенача хоамо.
«ГӀалгӀай республикерча административни бехктокхамах йолча бокъон» 1-ча даькъа 18.2 статьях гӀод тохаргда гӀалатбаьннарашта.
