Декхарех бола бехктокхам чӀоагӀбу Ӏаьдало
Дукха ха йоацаш, Магаса мэра Орцханаькъан Зайта дийцар, республикан 100 шу дузарга кийчо еш, остановкаш тоаярах, наькъаш тӀа оасаш дахкарах бола болх кердабаккхарах дола дешаш. Уж керттера дар цига дувца оттадаьча хаттарашта юкъе. ТӀадилла декхар бехктокхаме кхоачашдеш хила веза, аьнна, белагалдир цига. Из хоам тхога бир шахьара администраце.
Цунна чуйоагӀаш йолча отделаша баьча балхах дийцар, бакъда шахьара кулгалхочо массанех а бехк баьккхар; ЖКХ болхлошкара дӀаволавенна, гӀончашка кхаччалца.
«Шахьаре хӀанз латташ дола хьал-нувхашкара дӀадоладенна, лампашка кхаччалца - уж вай юхьмараш я. Укх шахьаре мел долча хӀаман жоп дала дезаш хӀаравар ва, бакъда керттера бехк вайна тӀа ба. ХӀанзчул тӀехьагӀа, хӀара отдело ший даькъ тӀарча хьалах жоп лургда; иштта мара гургдац шоана де дезар, «гаьна ца доалийташ» из кхоачашде дезилга. Цхьана дергда вай из!» - аьлар мэра ший балха нокъосташка.
Белгалдаккха деза, столица денгара ди массаза дала нах дукхагӀа хулаш, дегӀайоагӀаш латтилга, цунга хьажа ЖКХ даькъ тӀара болх а совбоалаш латт. Цудухьа хӀара Магаса вахархо, хьаьша шахьара вахар тоадалара тӀехьа хила веза.
