Наькъашкара бокъонаш телхаерашца къовсам лоаттабергба Шолжа кхалерча Ӏаьдало
21.04.2025 10:06
Машинашца жагӀа, гӀум, кхера, иштта кхыбола кхоачам дӀа-хьа кхухьача хана; боаггӀача боараме из гӀулакх лора ца дерашта духьала къовсам дӀаболабе лаьрхӀад Шолжа кхален администраце, МВД болхлой оарцагӀбаьха. Из хоам «Сердалога» бир администрацера.
«Кхален администраце МВД болхлошка дехар ду, наькъашкара бокъонаш лора ца еш гӀалатбаьннарашта духьала 1-ча даькъа 18.2 статьях бехктокхаме оза, яхаш», - хоам бу тхога шолжахоша.
Шоаш дӀа-хьа кхухьа хӀама Ӏоухийташ, наькъаш бӀех ца дара, наькъашкарча кхыйолча машинашта новкъарле цаяра тӀахьех Ӏаьдало бахархой.
