Салоӏача деношка бахархошкара кхаьча 107 дехар тохкаш, хилар ЦУРе
Укх беттарча салоӏача деношка бахархошкара кхаьча 107 дехар тохкаш, хиннай ЦУР. Из хоам «Сердалога» бир мехкадаь зарбан болх лелабераша.
«Дукхагӏбараш салоӏаш хиннача деношка, ЦУР бахархой хаттараш тохкаш хиннай. Нахагара кхаьча массадола дехар ма хулла сихагӏа тохкам беш дашха, аьнна, тӏадиллар паччахьалкхено. Эггара дукхагӏа хаттараш Наьсарера хилар (54,2%), тӏаккха - Шолжа-Шахьарера (22,4%). Токаца дувзаденнадар дукхагӏа дола хаттараш (39,3%), ЖКХ (30,8%), лостам бар, лампаш хувцар ( 9,3%)», - йоах тхогарча хоамо.
«Хин, тока оагӏонашца дувзаденнараш меттадоаладеш; болх дӏабихьар мехка. Из боаггӏача боараме дӏабахьарах, кхы доккха хатар ца нийслуш, дӏадахар уж денош. Тока оагӏонца дувзаденна, укх хана айлуш дола бахархошкара хаттараш дикка тахка, терко е езарех да», - белгалдир паччахьалкхенна хьалха латтача Сластенин Владимира.
