Наькъаш къоастадеш дегӀача бӀоагӀилгаша доккха гӀо ду, машинашца леларашта
«Кавказ» яхача федеральни наькъ тӀа къоастам беш оттадаьча зӀамигача бӀоагӀилгаша, шоашта йоккха оатто елга белгалдир машинашца лелараша. «Сердало» газета журналиста техкар из гӀулакх, бахархошца къамаьл деш.
«Ара баьде йолча хана, из никъ къоастабеш дилла така ца зувш вусар хийла, кхерам бар, дехьа оагӀон тӀа валар. Со хӀара денна Магасе ухаш ва, цунга хьежжа, хӀара дийнахьа из хӀама нийслора сона.
Наькъа къоастам беш дола бӀоагӀилгаш догӀаро чӀоагӀа аттача даьккхар из гӀулакх, гуш хул дехьавала йиш йоаца доазув», - дийцар Шолжа-Шахьарерча вахархочо. Дуккханеша белгалдир, боад эттача вӀалла хӀама гуш доацача наькъашка; цхьа бахьан мукъагӀа сердал Ӏалашъе езар, аьнна.
Баьдеча хана дешара, балхара чубоагӀача наха; хало ю цу кхоачамбоацаро. Теркалде деза, «Кавказ» яха федеральни никъ лакхача боараме тоабаь хилар, цо 26 км чулаьцай. Из болх дӀахо а дӀхьош ба укх шера.
