«Сийленг хьаделлача хьийха дукха хьаьший бар. Царна юкъе бар Къилбаседа Кавказерча Жуков орденах болча Росгварде тӀема-политически балха кулгалду Черноиванов Сергей, РФ президента СКФО гӀолла волча массазарча викала гӀонча вола Валиев Айдамир, республикерча паччахьалкхен кулгалхочун хьалхара гӀонча Йовлой Мухьмад. Мехкадаьгара Келаматанаькъан Махьмуд-Ӏаьлагара къамаьл дӀадеш, доккха баркал аьлар цо Росгварде болхлошта, шоашта тӀалатта декхараш бехктокхаме, дизза кхоачашдеш къахьегарах», - йоах тхога бенача хоамо.

«Ерригача Россен атта йоацача хана; терроризм, экстремизм яха доккха зуламаш хоададара тӀехьа дукха къахьегаш, цул совгӀа, Даьхен гӀулакх лорадеча хьалха латташ, хьабоагӀа уж болхлой. ХӀара заман ший турпалаш ба… Аьттув болаш хилда шун, Даьхе лораеш, дӀахьош дола денош. Шоай декхараш тахан санна боаггӀача боараме кхоачашде низ хилба дӀахойодача хана а», - аьлар Къилбаседа Кавказе терроризм яхача зулама духьале еча эскара хьалха латтача Макеев Владимира.