«ЛоӀамхой никъ лелабар - вахара хьисап» яхача программа чуйоагӀаш, кхетаче хилар Наьсарен вахара а хьала а колледжа дешархошца. ГӀалгӀай Республикан лоӀамхой центрерxа викалаша ладувгӀарашта дийцар, шоай керттера декхараш, иштта из мел дика гӀулакх да довзийташ дола масалаш а доаладир. Юкъарча балха дакъа лоацаш хилара безам тӀабахар студентий. Цул совгӀа, хаттарашта жоп луш, ГӀалгӀай Республикан РЦД (лоӀамхой тароний центр) викалаша дийцар хьинар долча кагирхоша дакъа лоацаш долча вахарах лаьца, цар дӀахьоча кагирхой кхетаченах, яхьах, уж кастлуш берригача мехка гӀолла дӀаяхьа езаш хиларах. Кхетаче чакхйоалаш, доакъашхоша шоайх дола хоамаш дитар, лоӀамхой балха юкъе дакъа лаца ловш», - аьлар хоамо. «ЛоӀамхошта юкъевахар - из ше санна уйла еш барашца цхьана хилар, цига бовза йиш я керда нах, кхыча балха тӀа лакхвала йиш я», - аьлар ГӀалгӀай Республикан РЦД болхлочо Озанаькъан Салмана.