ГӀалгӀай лоIамхоша новкъостал ду, «Мехка сагӀа» деча
ГӀалгӀайчен волонтёраша новкъостал ду кхачан кхоачам дӀабекъаш, «Мехка сагӀа» даккхара бола дикача гӀулакхий болам мехка дӀахьош. Из дика гӀулакх хьалхадаьккхар ва республикан кулгалхо Келаматанаькъан Махьмуд-Ӏаьла. Республикан тайп-тайпарча моттигашка новкъостал эшаш бола нах бах, уж юстара цабитара сагӀа чӀоагӀа лоархӀаме да.
«Мехка сагӀа» яха болам, таро йоацаш бола нах чулоацаш, царна новкъостал де аьнна дӀахьош ба. Мехка волонтёраша безамца хьаллаьцар из гӀулакх, накъабаьхкар цига новкъостал дара. Цар дика кхетаду, шоай балхах тийша дукха хIама долга, цудухьа шоашта могар ду цар таро йоацача нахага ший ханнахьа из новкъостал дӀакхачийта гIерташ», - аьлар «Сердало» газетага, ГӀалгӀайчен лоӀамхой тароний центра кулгалхочо Гоамакортанаькъан Мустафас.
Хьалхарча дийнахьа 40 лоӀамхочо кийчбир кхачан 600 тӀормиг. Цар бӀарчча ди даьккхар, сабаре уж кийчдеш, эшача нахага уж дӀакхачийта гӀерташ.
«Сердало» газета яздаь хиннача беса, «Мехка сагӀа» яха болам массехк дийнахьа дӀахьоргба вай мехка гӀолла. Селхан из хилар МагӀалбика шахьаре, МагӀалбика, Жайрахьа кхаленашка, Лохерча Курпе, Къаскима.
ТIаккха дика гӀулакх деш боахкараш кхаьчар Шолже, Илдарха-ГӀалий тӀа баха нах болча, шоаш кечдаьча кхачан тӀормигашца. ТӀехьа тӀадоагӀача шин дийнахьа уж дӀадекъаргда Магаса, Наьсарен шахьарашка; Наьсарен, Пригородни кхаленашка.
Шийна уллуврвар лархӀар, дика гӀулакх леладар массаза а хиннад, гонахьарча наха масал гойташ. Цхьана вай таро я ер дуне дикагӀа, камаьршагӀа де, вайгара новкъостал эшаш болча наха гӀо де.
