ГӏалгӀайчен волонтёраш цӏий а тӀехка тӀум а дӀаялара оарцагӀбаьннаб
11.04.2025 16:35
ГӏалгӀай Республикан волонтёраша кхетам балара моттигаш дӀахьу цӏий а тӀехка тӀум а дӀаялара хьакъехьа, яхаш, дувц «Сердало» газетага ГӏалгӀай республикан лоӀамхой центре.
«Активисташ лаьрхӀа ба кагирхой юкъебаха, цӀий дӀадалара хьал аттача даккхара, царна довзийта из мел чӀоагӀа эшаш а маьл хулаш а гӀулакх да. Шоаш дӀабахача, цар дешархошта хьалхадоаккх цох мел доккха гӀулакх хул из эшаш болча наха. Цу тайпара къамаьлаш хилар Наьсарен №5 йолча юкъерча ишколе, Ставрополерча лорий даькъ тӀарча технологей техникуме», - аьлар хоамо.
Дешархой а цунна безам тӀабодаш хилар, хӀана аьлча вайх хӀаравар сага вахар кӀалхардаккха йиш йолаш ва, цӀий дӀачудаларца.
