ГӀалгӀайчен волонтёраша-лораша цӀий дӀадаларах шоашта ховр декъ дешархошца
14.11.2024 14:51
«Волонтёраш-лораш» яхача ерригроссийски юкъарча боламо цӀий дӀадалара даькъ тӀа шоашта ховш дар декъ тайп-тайпарча моттигашка дешаш долча берашца, яхаш, дийцар «Сердало» газетага моттигерча кагирхой туризма Министерствос.
«Со цӀий дӀалуш хургва» яха проект кхоачашъеш я, вай кагирхой цӀий а тӀехка тӀум а дӀаяла Ӏомабе лаьрхӀа. Из болх волонтёраша дӀабихьар, Пхьилекъонгий-Юртарча №1 йолча юкъерча ишколе. Боккхача безамца цига ладувгӀаш хилар хьехархой а. Цига иштта дийцар, цӀий дӀадаларах лаьца шоашта ца ховш дола тайп-тайпара къамаьлаш дувцача нахах, цар харц хоам беш хилар а белгалдир. ЛоӀамхоша ма дарра дийцар цӀий дӀадалара балхах», - йоах хоамо.
