Республикерча УПЧ цхьана дӀайихьача кхетаче, газа гӀулакхех дийцар
Мехкарча УПЧ дӀайихьача кхетаче, газаца дувзаденнарех дийцар. Кхетаче дакъа лоацаш бар «Газпром межрегионгаз Наьсаре» яхача ООО оагӀон болхлой, иштта Паччахьалкхен боахама гӀулакхех йолча инспекце болхлой, моттигерча федеральни антимонопольни оагӀон къахьегамхой, энергетикацеи ЖКХацеи дувзаденнарех йолча министерствон доакъашхой.
«Бахархоша тохкам беш хиннача керттерча хаттарех дар газах ахча хьадеттарца, цу оагӀонца наьха аьттув барашца дувзаденнараш. Бахархоша тӀа мел дена хаттараш доашхаш хилар кхетаче. Цхьаццадараш цу сахьате къоастадир. Дикка тахка дезача чоалханедарашца дӀахо болх дӀахьоргба. Цу оагӀонцарча болхлошта тӀадиллар из гӀулакх», - яхаш, дийцар «Сердало» газетага УПЧ.
Сага бокъонех волча викала белгалдир; ЖКХ оагӀонца дувзаденнараш, бахархошта хала хургдолча тайпара, леладе йиш йоацилга. ЦӀечой ИбрахӀима теркалдаьчох, бахархошца иштта кхетаченаш дӀакхахьар царна къувлараш, кхоачамбоацараш гучадоахаш болх болга.
