Наьха хьал тоадарах дувцаргда республикерча кхетаче
«ХӀарма» яха кхетаче дӀаяхьарах дийцар Магасе Келаматанаькъан Махьмуд-Ӏаьлас РФ Юкъарча палатан болхлошта кулгал деча Доронин Николайца, цун гӀонча волча Кошелев Алексейца. Наьха вахара хьал тоадарах дувцаргда цу кхетаче. Из хоам «Сердалога» бир Мехкадаь зарбан болх лелабераша.
«Кхетаче дӀахьоча хьалхарча дийнахьа, цун доакъашхошца къамаьл де чам ба са», - белгалдир Мехкадас. Цо белгалдир, республикан хьакимаша из беркате гӀулакх хьаллоацаш гӀо деш лелараш юкъебахьа лерхӀилга.
Эггара керттердар - доакъашхой кхерамзле лораяр. СКФО, кхыйолча Россе моттигашкара массехк бӀаь саг хургва цу юкъе дакъа лоацаш.
Иштта мехка кулгалхочо теркалдир, РФ Президента хоржамаш долча хана наьха вахара, политически оагӀонашца юкъарча палатас лоархӀаме болх дӀабихьалга.
