Санкт-Петербурге лохаш хинна къу ГӀалгӀай мехкара коравир
11.07.2024 10:24
Къоал дарах Санкт-Петербурге лохаш вола къу Шолжа-Шахьарерча ППС болхлоша хьалаьцар. Из хоам «Сердалога» бир МВД.
«Корта бохабеча маларах волаш лела саг зийра Свердлова оалача урам тӀа «Шолжа кхалан» яхача МВД оагӀон ППС болхлоша. Гучадаьлар, наркотикаш бахьан долаш из хьалха суд яь хиннилга. Цхьа юкъ яьлча, Ӏаьдала болхлошта хайра, из саг Санкт-Петербургерча Ӏаьдало къоал дарах лохаш волга», - дийцар МВД къахьегамхоша.
Зуламхо тахан Ӏаьдала кара ва.
