Нувхаш юхахаржарах дийцар, «Аьрзи» яхача лагерерча берашта
11.07.2025 16:21
Ӏалама гӀулакхех йолча министерствон экологически оагӀонцарча кхерамзленах, гонахьара Ӏалам лорадарах болча оагӀон хьалха латтача Баркинхой Адама «Лораде Ӏалам – нувхаш юхахоржаш хила» яха кхетаче дӀайихьар «Аьрзи» оалача лагере салоӀаш долча берашца.
Кхетаче берашта дийцар, нувхаш вӀаший къестаеш дӀакхувсар сенна эшаш да, из болх нийса мишта дӀабахьа беза. Кхувш латтарашта хьалхадаьккхар, из деррига а Ӏалама хьал лорадара тӀехьа эшаш долга.
«Баркинхой Адама дийцар пластико деча зенах, из кӀезигагӀа хургйолаш фу де деза. Нувхаш къоастаяр, чакхъяхар мишта дӀахьош да хайра берашта. Пластикацара болх мишта хила беза, вахаре ма хулла кӀезигагӀа из хилийтара тӀехьа доаржаде дезараш малагӀаш да дийцар царга», - йоах «Сердалога» бенача хоамо.
