ГӏалгӀайчен Росгварде берий беша тушола бетта 8-гӀа ди дездир
07.03.2025 14:57
«Малхилг» яхача берий беша дӀадихьар тушола бетта 8-гӀа ди - Халкъашта юкъера кхалнаьха цӀай. Цунна хетаяь кхетаче хилар Росгварде урхаллен болхлоша, даьй-ноаной комитета, кхыча болхлоша дакъа лоацаш.
«Цу денга лаьрххӀа йола кийчо йир цунна чудоагӀача боахамаша а. Кхетаче дӀахьош берий таро хилар шоай ноаной даькъалабувца. Бераша ловзайора цхьацца йовхьамаш, халхара, ашарий номераш, иштта боккхача безамца гойтар тайп-тайпарча яхьашка шоашта ховш дар», - аьлар хоамо.
Хьамсара тха кхалнах, оаха даькъаладувц шо, кхалнаьха цӀайца. Шун хозалах, начӀалах, хьаькъалах цуцвувла йиш я бӀаьшерашка. Ираз хилда шун вахаре. Могаш хилда шо, массаза къона а долаш», - аьлар цига гулбеннарашка Росгварде эпсара Магомедов Салмана.
