Яндарерча культуран цӀен дешархой, кхадж тоссача дийнахьа наха салоӀам беш бар
10.09.2023 15:25
ГӀалгӀайчен Наьсарен кхален Яндарерча культуран ЦӀен кхоллама коллективаша кхадж тоссача дийнахьа гӀадбигар юртхой. Царна лаьрхӀа концертни программа кийчъяьяр къонача артисташа.
«Тха дешархоша тахан, хоза а хеташ, иллеш оал, халхараш а ду, кхадж тасса хьабоагӀача наьха дог гӀоздоаккхаш. Яндарерча № 3 йолча юкъарча дешара ишколе № 703 йолча хоржамий даькъ тӀа, Ӏуйрийна денз тӀаэцаш бар кхадж тасса боагӀараш. Укхаза хоза, барт болаш дӀабодаш бар кхадж тассара болх, кхы тӀа а, бераша шоай начӀал гойташ, дийнлора цигара сурт, цунах боккъал дола цӀай хетаргдолаш», — аьлар «Сердало» газетага Яндарерча культуран цӀен кулгалхочо Йовлой Мадинас.
