«Чемпион» яхача ФОКа спортсменаша 35 майдилг яьккхар Яндаре дӏайихьача яхье
23.09.2025 09:55
«Чемпион» яхача физкультурно-унахцӏенон комплексе ӏомалуш бараша 35 майдилг яьккхар грэпплинг яхача латарах,яхаш, дийцар «Сердало» газетага спорта урхалленна кулгалхочо Чӏасанаькъан Илеза.
«Программа чубоагӏаш яхьашка дакъа лоацаш бар говзал лакха йола грэпллераш, иштта керда дӏаболалураш 2008-2015 шера баь.
«Эскар» яхача латархой клубо хьаллоацаш, цар боккха толам баьккхар. Цу тайпара дӏахьош хиннача яхьашка Яндаре спортсменаша 15 дошо, 9 дото, 11 борза совгӏаташ даьхар», - аьлар хоамо. Берригаш а котбаьннараш даькъалабувц!
