ГӏалгӀайчен технопарке Ӏомалучар программированех йола проекташ гойтар
Магасе хилар «Кванториум» яхача берий республикански технопарка дешархошта лаьрхӀа кхетаче. Яндекс Лицее дешаш долча бераша «Промышленни программировани» яхача даькъах латта проект шоаш Ӏомаяь хилар гойтар,яхаш, хоам бу «Сердало» газетага.
«Шоаш дӀахьоча тохкама балхага гӀолла, бераша гойтар деша дагӀача юкъа шоашта фу карагӀдаьннад, фу Ӏомадаьд. Кхелахошта хьалхашка оттайир Дзейтанаькъан Аслана «Space Ӏnvaders» яха проект. Цун веб-ловзар хьакхеллад космически темах. Цох дувцаш, кӀаьнка нийса довзийтар веб-тохкамий керттера дакъа, иштта ловзар кхолларцара керттердар хьагойтар», - аьлар хоамо.
ШоллагӀча хьаькъал долча «Кванториума» дешархочо Тименаькъан Мухьмада ший къахьегам хетабир, болх беш йолча веб-майданна, цун декхар дар кулгал деш хилара тӀахьажар, чура гӀулакхаш леладар. Цу тайпарча хьалаша администрацен болх тоабу.
Программа Ӏомаеш волча тӀехьарча доакъашхочо Албохчанаькъан Ислама шийна ховш дар гойтар «Veloce» проектах. Ше болх дӀахьош, къонача кхолламхочо интерфейсаца керда хьалаш хьакхоллара дакъа гойтар.
Хьехархоша даькъаладийцар бераш толамаш дахарца, карагӀдаьнначун тӀа уж цасовцар ловш дар цар даьха ловцаш.
