«АнтиСПИД» центра лораша кхетаче дӀайихьар, Пхьилекъонгий-Юртарча амбулаторе
«АнтиСПИД центра болхлоша Наьсарен кхален Пхьилекъонгий-Юртарча амбулаторе лекци-семинар дӀайихьар ВИЧ-инфекци яхача лазарах лоралуш хилара хетаяь лорий даькъ тӀа къахьегараш, яхаш, дийцар ГӏалгӀай Республикан унахцӀенон Министерствон зарбан болх лелабераша.
Лораша яхачох, ВИЧ-инфекцех цамогаш хулараш дукхагӀа хулаш боагӀа, из дага ца даьллача доалаш а дац, хьалхарча аргӀагӏа цунца бувзабенна болх дӀабахьа безарашта. Цудухьа Центра говзанчаша республикан тайп-тайпарча урхалленашка уж мо семинараш дӀахьу. Дукха ха йоацаш, Эбарга-Юртарча амбулаторе хилар, хӀанз баьхкар Пхьилекъонгий–Юрта.
Цу даькъ тӀара хьал хьалхадоаккхаш йола кхетаченаш дӀахьош хилара бахьан да, лорий болхлой, цӏийца бувзабеннарашщ къаьстта, инфекцеш хиларах лорабала безаш хиларца дувзаденна. Царех да лазараш, цӀийца болх бе безаш дола, царна юкъе эггара унзарагӏа дар да ВИЧ-инфекци, вируса гепатиташ В,С. ВИЧ-инфекци йола нах дукхагӀа хулаш боагӀаш хиларца дувзаденна, лорий болхлошта из хьал хьалхадоаккхаш диам болх дӀахьу. Къаьстта цу гӀулакха деш да хьехамаш «Анти-СПИД» центра говзанчаша», - аьлар ГӏалгӀайчен керттерча унахцӀенон Министерстве.
