Бахархой унахцӀено тахка арабаьлар мехкара лораш
Шолжа кхален дарбанчера лораш, нах балха болча моттигашка дӀаухаш, цар дегӀа хьал тохкаш хилар. Кхален, шахьара администрацей, хий лоаттадеча оагӀон болхлой унахцӀено техкар цар, иштта шахьарерча № 2 йолча ишколе хилар лораш.
Моттигашка лораш дӀаухаш хилар чӀоагӀа аьттув болаш хул бахархошта, хӀана аьлча балха тӀерабовла, дарбанче баха сахьаташ доахаш, аргӀа хьакхачарга хьежаш латта аьттув, ха хилац дукханешка. Кхоана, тӀаккха, яхаш, лорашка ца болхаш гаьнабоал бахархой. Из беркате гӀулакх бахьан долаш, шоай дегӀага фу хьал да хайра болхлошта.
«Шоай унахцӀенон хьал лораде хьожаш болча кулгалхошта тӀехьалаттача тоабанна баркал ала лов! Хан-ханнахьа лорашта тӀааха, лазараш даржаргдоацаш маьхий тохаш хила диц ма ле», - аьлар Шолжа-Шахьарерча дарбанче къахьегача лораша.
