Шолжерча ЦРБ лораша дӀахьош ба турса кеп йолча оъанна хулача лазарах бола болам
Укх деношка Шолжерча ЦРБ дӀахьош я, турса кеп йолча оъанна лазар дий хьожаш болам, яхаш, дийцар цигарча лорий зарбан болх лелабераша.
Царех цаӀ хилар Шолжерча №1 йолча юкъерча ишколе, цига лораша дийцар, ювцаш йола оъа малагӀа дакъа дӀалоацаш я сага дегӀацарча хьале, цо дика болх цабара новкъарле ер фуд, из дика болх беш йоацилга хьахайташ бола лазара хоам малагӀа ба.
«Цу тайпарча кхетам балара мероприятеша доккха дакъа дӀалоац сага могашал тоаяра, къаьстта кхувш йоагӀача тӀехьенна юкъе. Хьехамаш, хила тарлуш долча лазара хьалаш довзаш хилар - из лоархӀаме гӀа ба, дукхача шерашка саг могаш хургволча наькъ боаккхаш бола.
Тхо раьза да, вай шахьара дешара моттигашка сага могашала цу тайпара терко лоаттаеш хилара», - аьлар Шолжерча ЦРБ.
Цхьаькха цу темах бола болам лораша дӀабихьар, безам барашта лаьрхӀа, поликлиника даькъ тӀа.
Укхаза бахархой таро хилар оъа мишта болх беш я хара УЗИ яккха, лорашца-эндокринологашца дагабала, УЗИ яьккхача хьагойтар фуд ха, нагахьа эшаш хуле балха говзал лакха йолча лорашца дагабала, дӀахо де дезар белгалдеш.
